Sport.cw

Sponsored by

Sponsored by

Sponsored by

Otro Curaçao Baseball Week

E siman aki for di djaluna 7 di novèmber te ku 12 di novèmber tin e tradishonal Curaçao Baseball Week. Awaseru sinembargo a pone ku tabatin ku kanselá e klinika pa mucha di ayera. E ta tuma lugá djabièrnè aki di 2or pa 5or den Bam Bam Tech Sports Zone na Sambil. Awe djaweps tambe den mesun orario tin un kliniká den mesun lokalidat.

Entrenadó internashonal di beisbòl Hensley Meulens ta e motor tras dje organisashon di Curaçao Baseball Week (CBW). Ela logra ku hungadónan profeshonal ta kompartí nan konosimentu ku muchanan i tambe entrenadónan lokal.

Hungadónan profesinal ku a konfirmá nan partisipashon na CBW ta: Andrelton Simmons, Didi Gregorius, Jonathan Schoop, Shairon Martis, Jurickson Profar, Diegomar Markwell, Dashenko Ricardo, Juremi Profar, Kevin Josephina, Calten Daal, Yurrendel de Caster, Dudley Leonora, JC Sulbaran, Joshua Palacios, Richie Palacios i Ceddeanne Rafaela.

E coachnan ku a konfirmá nan partisipashon ta di mes Hensley Meulens, Ben Thijssen, Hainley Statia, Sharnol Adriana, Calvin Maduro, Rendel Meulens, Shakin Albert, Ryan Sienko, Martijn Verhoeven, Darnell Coles i Johhny Balentina.

E aña aki CBW ta garantisá di trese un siman kargá ku aktividatnan kustumbrá i esnan inovativo ku bo no por pèrdè. Sea bo por gana un Audi nobo nobo via ‘ball drop’ òf regalo di e marka YDK pa broma ku bo ta yu di Kòrsou.

Tambe serka CBW bo por kumpra voucher pa e kampaña di Big Mac di McDonald’s. Fondonan rekoudá for di benta ta bai pa fundashonnan RMHC i Funditut. Keda pendiente tambe pa estreno di un dokumental tokante beisbòl ku ta eksplorá e sekreto kon bin Kòrsou ta asina speshal den beisbòl.

E organisashon di CBW ta sumamente gradesido pa kada un *boluntario* i spònser ku ta sostené e inisiativa aki pa sigui desaroyá beisbòl na Kòrsou. Un danki spesial na tur spònser ku ta hasi Curaçao Baseball Week posibel: CTB, Corendon, Pinnacle, PGRV, MVP Foundation, MLBPAA, MCIS, Old Quarry, Massive, Osterio Rosso, Deli Nova, Kyoto, Pit Smoker, KDZ, Coca Cola, Lovers, Audi, YDK, *Kontentu, Profound, Glacial, Nationals, Distribier, Tourism Management Curaçao, Café Barista, Advocatenkantoor LEXXĪO, Mc. Donald’s, Sékat Curaçao, Crocky Chips, This is Tuna, Bagira, Canvas, Blue Palm Management i Windmillzz Business.*

Pa mas informashon, buska Curaçao Baseball Week riba Instagram i Facebook òf subi wèpsait www.curacaobaseballweek.com.

Translate »