Xavedrianen a logra otro viktoria den kontinuashon dje kampionato di vòlibòl awe djarason 11 di mart 2020. E tim a gana ku skor di 3-1 di Titus den divishon maksimo superior.
Xaverianen tabatin ku uza tur su armanan pa por a gana Titus. Xaverianen a sali brabu i kue e promé sèt 25-16. Titus a empatá e wega na un set ganando e di dos sèt pèrtá ku 26-24. E di tres set a kana pareu te ora Xaverianen a kue ventaha pa gana esaki 25-18. Den di kuater sèt Titus no por a wanta e karga mas i Xaverianen ta kaba e wega ganando ku 25-12.
Watakeli B tambe a bai purba su suerte kontra Stakamahakchi, pero no por a soportá e atakenan di e hobennan di Staka: 2-0. E parsialnan tabata 25-13 i 25-15.
Ayera, djamars, tambe tabatin tres wega di klase A. Den e sekshon femenino Shuatanari a superá Hurricane ku 2-0, 25-12 i 25-19.. Den e sekshon maskulino Staka a gana di Watakeli 2-0: 25-15 i 25-13. Despues Wishi Tigers i Xaverianen a enfrenta otro den un partido super emoshonate kaminda ku Xaverianen a gana 2-1: 20-25, 25-22 i 15-11.
E kampionato ta sigui djadumingu ku weganan di klase A i klase superior. Promé ku e weganan lo tin un akto ofisial kaminda Federashon Vòlibòl Kòrspo (Fevoko) ta pone algun baluarte den un lus positivo pa e aporte ku nan ta duna e deporte.
