Liga Pabou a pasa awe, djabièrnè 14 di yüni, fasil pa final dje kompetensia Little League Caribbean Championship 2023. E tim a Sali bai ariba 2 pa 1 den e wega kontra di Puerto Rico i no a duna e tim di kas niun chèns. Skor final: 11 pa 1.
E selekshon di Liga Pabou asina a logra su di sinku triunfo i ainda ta invikto den e kompetensia di Little League Caribbean 2023. Kuater dje weganan aki e tim a skor 10 kareda òf mas pa asina gana tambe via di nòkout.
Puerto Rico a skor su úniko kareda den promé inen. Mesor den bòm di mesun inen Liga Pabou ku 2 kareda a bòltu e skor: 2 pa 1. Tabata Jay-Dlan Wiel ku a dal un homerun pa e dos karedanan aki. Por sierto mas lat ela sòru pa pusha un mas kareda aden pa tèrminá ku 3 rbi.
Den e di dos turno Liga Pabou a skor 4 kareda mas i tuma ventaha kómodo di 6 pa 1. Den di kuater inen e tim a dal Puerto Rico nòkout ku sinku hungadó krusando plato pa hasi e skor 11 pa 1 i kaba wega.
Turesten ku e batiadónan di Liga Pabou tabata skor kareda, e picher Juan Ferreras Cleto no a pèrmití niun kareda mas na Puerto Rico. Porsierto ku den kuater inen di trabou ela permití 1 kareda i 1 hit so. Ela poncho 9 batiado dje tim kontrali.
Kòrsou ku e triunfo riba Puerto Rico a klasifiká pa final. Esaki ta tuma luga mañan djasabra. E wega ta planiá pa mitar di dos di tra’i mèrdia.
