Despues di a titulá kampion di Kòrsou den e último kampionato, Pichingolo a sigui su racha ganando e promé torneo warming up di SBT Fenix. E tim a gana den final di Fighting Team ku skor kombinsente di 9-3.
E promé edishon dje torneo warming up SBT Fenix a tuma lugá na Post 6 na Rio Canario. Tabatin weganan di sòfbòl maskulino slowpitch i sòfbòl femenino fastpitch.
E sigiuente ekiponan a kompetí kontra di otro den e seri maskulino slowpitch: Chonchi’s Place, Libu Stars, Sambil, OMNI i Bòmbòshi ku Chonchi’s Place titulando kampioen.
E resultadonan tabata: Chonchi’s Place vs Libu Stars 15-7, Sambil vs OMNI 13-7, Sambil vs Bòmbòshi 14-3, Chonchi’s Place vs Sambil 8-7, Libu Stars vs OMNI 5-1, Libu Stars vs Bòmbòshi 7-6
Chonchi’s Place vs Libu Stars 6-5 i wega final Chonchi’s Place vs Sambil 11-4.
E timnan ku a kompetí den kategoria femenino fastpitch tabata Pichongolo, Vipers, Fighting team i tim organisadó dje torneo SBT Fenix, ku Pihingolo ganando e titulo kampionil kibrando invikto di Fighting Team den final.
E resultadonan den e seri femenino tabata lo sigiuente: Pichingolo vs Vipers 15-1, Fighting Team vs Fenix 10-3, Fighting Team vs Pichingolo 8-4, Fenix vs Vipers 10-3, Pichingolo vs Fenix 4-3 i wega final Pichingolo vs Fighting Team 9-3.
E torneo a resulta un eksito grandi i esaki a pone e promé pieda i stèmpel pa sigi ku e torneo warming up otro aña 2021.
