Sport.cw

Sponsored by

Sponsored by

Sponsored by

Ronelly Vos a gana 3 titulo

Ronelly Vos tabatin tremendo kosechá durante e kampionato di tènis di mesa. E hoben femenino aki a titulá kampion den tres kategoria. Bennett Isebia i Raymond Begina a konkistá dos titulo kampionil. Dimitri Leon a bolbe bira kampion den divishon máksimo.

Federashon di Tènis di Mesa Kòrsou (FTMK) a organisá otro éksitoso kampionato di Kòrsou. Tabatin wega den tantu kategoria hubenil komo senior. E kompetensianan a tuma lugá den sentro Irene Moreno na Muizenberg.

Zion Martijn a titulá kampion den kategoria Hubenil nivel 1. Ela gana den un final ku a bai sinku sèt di Mikhaela BoekhoudtL: 3-2. E sètnan tabata 3-11, 11-8, 11-8, 7-11 i 11-4.

Den kategoria Hubenil nivel 2 tabata Bennet Isebia ku a konkistá e titulo di kampion. Ela gana den tres sèt di Ronelly Vos. E sètnan tabata 11-7, 11-7 i 11-4.

Den kategoria Femenino wega dòbel Ronelly Vos i Marie-Antoinette Keli a sali kampion. E duo aki a gana den tres sèt di Zachra Rademacker i Jenny Cornelia ku skornan di 11-3, 11-2 i 11-2.

Hensley Wentwoord i Peter Wong a bira kampion den kategoria Maskulino wega dòbel. Nan a superá e duo formá pa Jacinto Zimmerman i Lucien Alberg den 4 sèt (3-1). E skornan tabata 11-7, 7-11, 13-11 i 11-2.

Den kategoria Miksto wega dòbel Ronelly Vos huntu ku Raymond Begina a titulá kampion. Nan a derotá nan kontrinkantenan den 4 sèt (3-1). E skornan tabata 11-8, 3-11, 11-9 i 11-8.

E hoben Ronelly Vos den kategoria Femenino senior tambe a konkistá e titulo kampionil. Ela gana den e seri final di Marie-Antoinette Keli: 11-9, 11-9, 11-1 i 11-9.

Den kategoria Maskulino Master 60+ Raymond Begina a superá Jacinto Zimmerman den 4 sèt pa asina bira kampion. E skornan tabata 11-9, 7-11, 11-9 i 11-6.

E hoben Bennett Isebia a kompetí tambe den kategoria Maskulino senior divishon B i a logra gana e final. Ela superá Ralston Arvelo den sinku sèt: 4-1. E skornan tabata: 11-6, 11-9, 12-10, 6-11 i 11-9. Den divishon A Maskulina e finalistanan tabata Dimitri Leon i Juan Carlos Sanchez. Leon a defende su titulo kampionil ganando den sinku sèt di su kontrinkante: 4-1. E skornan tabata 12-10, 11-5, 11-4, 10-12 i finalmente 11-5

Translate »