E organisashon di Curaçao Little League a kanselá e seri di weganan di selekshon den Intermediate League. Esaki ta relashoná ku medidanan di gobièrnu pa motibu dje oumento di kontagionan di Covid-19.
Tur aña e organisashon di Curaçao Little League ta tene e weganan di selekshon den e diferente liganan. Esaki ta bai entre e selekshonnan di Liga Pariba, Liga Willemstad i Liga Pabou.
E selekshonnan ku gana e seri, ta represent Kòrsou den kampionatonan regional. Tin kompetensianan den e region di Karibe i tambe den Latino Amerika.
E seri di weganan den Intermediate League tabata planiá pa kuminsá awe djasabra 17 di yüli den Sabana Ballpark. Elo a sigui mañan djadumingu i djaluna tambe. Sinembargo a base dje medidanan resien di gobièrnu relashoná ku oumento di kontagio di Covid-19, a kanselá e seri den e liga aki.
E otro serinan den Little League, Minor, Junior i Senior League sí a tuma lugá. Selekshon di Liga Pabou a gana Pariba 11 pa 1 i ta number 1 di playoff di Little League. Den divishon Minor Liga Pabou a gana 3-0, den Junior tambe Liga Pabou a gana 3-0. Den Senior Division tabata Liga Pariba ku a ku 4-1 pa terminá number 1.