Sport.cw

Sponsored by

Sponsored by

Sponsored by

Seri ta kayente den sòfbòl

E play-off den sòfbòl femenino AA a kuminsá brabu den wikènt tras di lomba. Despues di dos wega den kada seri, e timnan ainda ta pareu. Esta nan a gana i pèrdè un wega.

Curaçaose Softball Bond (CSB) a ranka sali ku e weganan prefinal. Den e promé seri ta hunga Pichingolo KIA/Nissan i Souax Gill, miéntras ku e otro semi final ta entre Feniz Softex i The Fighting Team.

Souax Gill diasabra a laga Pichingolo den tereno ora ku base yen den bom di 7 inning e centerfielder ta laga un fly kai. Esaki a pèrmiti 2 kareda anota pa Souax gana ku skor di 9 pa 8. Diadumigu Pichingolo a bin bèk fuerte pa na su turno laga Souax den tereno den bom di 6 inning. Ciroendra Peloz a bati un homerun.

Fenix Softex den e wega di diasabra i ku picheo di Leonella Elizabeth a blankiá The Fifgting Team ku skore di 6 pa 0. Diadumingu The Fighting Team sorprende tur hende ora ku e tim a presenta ku Sueny “Chun” Fundador riba montikulo. E picher aki a dominá e batiadónan di Fenix i asina paga bèk ku un blankeo: 3-0.

E seri entre Souax i Pichingolo ta sigi djaweps 7or na Sabana, anto esun entre Fenix i The fighting Team ta sigi djarason na Buena Vista Ballpark. Tur wega ta kuminsá 7or pm.

Translate »