E basketbolistanan di Janwe Spartacus a gana nan wega d inisial den e kategoria 16 aña i mas hóben (U16) di G-league. Nan a superá Willemstad Warriors ku skor di 57-46. Ian Rossen a skor 25 punto i pues tabatin un ròl grandi den e triunfo di su tim.
E kompetensianan di e G-league ku a ranka sali dia 21 di mei, ta kanando bon. E liga ta konsistí di sinku kategoria: Senior, U19, U16, U14, U12 i U10. Te awor aki seis wega a keda hungá den e diferénte gruponan akí.
Djasabra, esta den wikènt tras di lomba, a kuminsá ku e kompetensia U16. Janwe Spartacus i Willemstad Warriors a topa otro riba e kancha di basketbòl di skol Juan Pablo Duarte.
E tim di Spartacus a kuminsá fuerte i kue ventaha tempran den wega. Warriors sinembargo a logra redusí e diferensia te na tres punto. Despues Spartacus a bolbe tuma distansia i finalmente a gana ku 11 punto di diferensia: 57-46.
Rossen di Spartacus a finalisá komo ‘topscorer’ ku 25 punto i 16 rebounds. Eduard Martina a skor 16 punto pa Warriors, mientras ku Diego Martina a tabata bon pa 14 punto i tambe 12 rebounds.
E kompetensia den G-league ta sigui awe djamars 11 di yüni den e kategoria U10. E baskètbolistanan di Challengers1 i Janwe Spartacus ta hunga 6or di atardi kontra di otro den sala di deporte Niels Liberia di Stadion Odulio Willems na Suffisant.
Anto diadomingo tin e di tres wega di e kategoria Senior. Esaki ta bai entre Fortuna Brothers i Airbenders. E wega akí ta kuminsá 7or di anochi den sala di deporte Errol Rooi di Sentro Deportivo Kòrsou (SDK). E dos timanan aki porsierto a pèrdè nan promé wega kontra respektivamente Janwe Spartacus i OTF. Porsierto ku Spartacus i OTF ta topa otro djabièrnè awor. E wega aki tambe den e sala di deporte di SDK.
