Vesta a gana ayera di Skèrpènè i asina klasifiká pa final kontra mesun Skèrpènè. E tim di Buena Vista i bisendario a triunfá ku skor di 3-0, miéntras ku den e otro wega Inter Willemstad a derotá Jong Holland ku skor minimo di 1-0.
Ku e dos weganan di ayera, Federashon Futbòl di Kòrsou (FFK) a konkluí tambe Kaya 4. E final entre Skèrpènè i Vista ta planiá riba fecha 6 di novèmber den Stadion Ergilio Hato di Sentro Deportivo Kòrsou (SDK) den Brievengat.
Charles Martina ayera na apenas 5 minüt di wega a habri skor pa Vesta. E wega a bai sosegá ku e skor di 1-0. Tabata te den final dje di dos tempu ku e tim di Buena Vista a sigurá e viktoria, anotando dos gol den tempu di leshon. Shuldemar Dorand i Mirco Colina Jr. tabata e goliadónan.
Den e otro wega Inter Willemstad a gana ku gol di Gersinio Constancia di Jong Holland. E gol aki a kai na di 11 minüt di wega.
Ku e resultadonan di ayera, Vista a pasa pa final kontra di Skèrpènè ku tabata e promé tim ku a klasifiká. Skèrpènè a tèrminá ku 6 punto for di 3 wega: dos viktoria i un derota. Vesta a kaba ku 5 punto: un triunfo i dos empate. E tim pues a kaba Kaya 4 sin pèrdè wega.
Inter Willemstad ku su viktoria ayera a tèrminá ku 4 punto: un viktoria, un empate i un wega pèrdí. Jong Holland tabatin un mal seri tèrminando ku 1 punto: un empate i dos derota.